Кәріздік тазарту құрылыстарын салу мен реконструкциялауды іске асыру шеңберінде сумен жабдықтау және су ресурстарын басқару секторы саласындағы өзара іс-қимыл перспективаларын «ТКШ ҚазОрталығы» АҚ-ның басшылығы су шаруашылығы мен қоршаған ортаның түрлі салаларында инженерлік және консультациялық қызметтерге маманданған халықаралық көпсалалы компания «HYDROPHIL» ҰАК-ның басқарушы директорымен талқылады.

Кездесу барысында «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ Басқарма төрағасы А. Умербаев Қазақстан қалаларында кәріздік-тазарту құрылыстарын салу және реконструкциялау жөніндегі жобаларды іске асырудың өзектілігін атап өтті. Өз кезегінде «HYDROPHIL» Басқарушы директоры Г. Эдер әлемдегі және Қазақстан қалаларындағы жобаларға қатысу тәжірибесін таныстырды, сондай-ақ тарифтік саясатты әзірлеуге және тазартылған сарқынды суларды қайталама пайдалануға қатысуға дайын екендігін мәлімдеді.

Тараптар екіжақты ынтымақтастықты одан әрі дамытуға ниет білдірді.

Сондай-ақ, Қазақстанда КТҚ жобаларын іске асыруға байланысты су секторындағы ҰАК жетекшілері осы жобаларға қатысуға және оларды ұзақ мерзімді пайдалануға қызығушылық танытты.

SUEZ (Франция), Metito (БАӘ) және Aqualia (Испания) сияқты ірі компаниялар Қазақстанда кемінде 20 жыл мерзімге КТҚ-ны жобалауға, салуға және пайдалануға қызығушылық танытты. Оларды КТҚ-ны іске асыру процесіне қосу су бұру саласында сапалы және тиімді шешімдерді қамтамасыз ете отырып, мемлекет мүддесіне елеулі артықшылық береді.

Жетекші халықаралық компаниялармен ынтымақтастық кәріз жүйелерін жаңғыртуға және дамытуға ықпал ететін жоғары білікті мамандар мен озық технологияларды тартуға мүмкіндік береді. SUEZ, Metito және Aqualia компаниялары әлемнің түрлі елдерінде үлкен жұмыс тәжірибесіне ие және Қазақстанның сарқынды суларды тазарту саласындағы мақсаттарына қол жеткізуге өз үлесін қосуға дайын.

КТҚ бағдарламасы халыққа және өнеркәсіптік кәсіпорындарға тұрақты және сенімді қызмет көрсетуді қамтамасыз ете отырып, су бұру инфрақұрылымын жақсартудағы маңызды кезең болып табылады. Бұл жобаларды іске асыру ел экономикасын дамытуға және азаматтардың өмір сүру сапасын жақсартуға жаңа мүмкіндіктер ашады.

SUEZ, Metito және Aqualia компанияларының өкілдері тұрғын үй-коммуналдық инфрақұрылым саласында неғұрлым тиімді және тұрақты шешімдерді бірлесіп әзірлеу үшін қазақстандық мемлекеттік әріптестермен конструктивті диалог жүргізуге дайын екендіктерін мәлімдеді.

          «HYDROPHIL» ҰАК: Венада бас офисі және Найробиде филиалы бар су ресурстары және қоршаған ортаны қорғау саласында мамандандырылған халықаралық консалтингтік және инжинирингтік компания. Компания мемлекеттік сектор мен өнеркәсіп үшін жұмыс істейді.

          «SUEZ» ҰАК: SUEZ халықаралық компаниясы сумен жабдықтау және су бұру саласындағы міндеттерді шешу үшін инновацияларды, тәжірибені және жаһандық мүмкіндіктерді пайдаланады.

          «Metito» ҰАК: Негізгі географиялық аймақтардағы жобалардың ауқымды портфолиосы бар тұщыландыруға, сарқынды суларды тазартуға, суды қайта пайдалануға және өнеркәсіптік шешімдерге маманданған суды дайындау құнының бүкіл тізбегі бойынша жұмыс істейтін дамушы нарықтарда жұмыс істейтін халықаралық компания.

          «Aqualia» ҰАК: FCC азаматтарға қызмет көрсету тобына (51 %) және IFM investors австралиялық этикалық қорына (49 %) тиесілі халықаралық су ресурстарын басқару компаниясы. Global Water Intelligence соңғы рейтингіне сәйкес (2022 ж. желтоқсан) компания қызмет көрсетілетін халық саны бойынша Еуропадағы төртінші және әлемдегі тоғызыншы су компаниясы болып табылады.