ТҰРҒЫН ҮЙ-КОММУНАЛДЫҚ ШАРУАШЫЛЫҒЫН ЖАҢҒЫРТУ МЕН ДАМЫТУДЫҢ ҚАЗАҚСТАНДЫҚ ОРТАЛЫҒЫ
Call-центр:
+7 (7172) 57-65-52,   57-65-53,   57-65-51
E-mail:
info@zhkh.kz
Жаңалықтар
ТКШ ҚазОрталығының еншілес ұйымы «Decarbonize Solutions Group» ЖШС мен Канада халықаралық мектебі ТКШ саласындағы кадрлық потенциалды нығайту саласындағы ынтымақтастық туралы шартқа қол қойды
2024 жылғы 26 қаңтарда «ТКШ ҚазОрталығы» АҚ-ның еншілес компаниясы «Decarbonize Solutions Group» ЖШС бюджеттік инвестициялардың қаржылық-экономикалық негіздемесі шеңберінде ТКШ саласында Энергия тиімділігі оқу орталығын ашты. Бұл маңызды қадам тұрғын үй-коммуналдық шаруашылық саласындағы кадрлық потенциалды нығайтуға және халыққа қызмет көрсету сапасын арттыруға бағытталған
27
январь

2024 жылғы 26 қаңтарда «ТКШ ҚазОрталығы» АҚ-ның еншілес компаниясы «Decarbonize Solutions Group» ЖШС бюджеттік инвестициялардың қаржылық-экономикалық негіздемесі шеңберінде ТКШ саласында Энергия тиімділігі оқу орталығын ашты. Бұл маңызды қадам тұрғын үй-коммуналдық шаруашылық саласындағы кадрлық потенциалды нығайтуға және халыққа қызмет көрсету сапасын арттыруға бағытталған.

Энергия тиімділігі оқу орталығының ашылу рәсімі барысында «Decarbonize Solutions Group» ЖШС мен Канада халықаралық мектебі арасында ынтымақтастық туралы алғашқы шартқа қол қойылды. Келісім студенттерді біржақты бейінді бағыттары бар сертификаттармен қамтамасыз ететін қолданбалы ғылымдар бойынша практикалық инженерлік-техникалық зертханалық курстар ұсынуды көздейді.

Шартқа қол қою рәсіміне «Decarbonize Solutions Group» ЖШС-нің Басқарма төрағасы Есет Исатаевич Бутин мырза мен Канада халықаралық мектебінің директоры Динара Хамитовна Утешева ханым қатысты.

Энергия тиімділігі оқу орталығы инженерлік-техникалық мамандар мен басшыларды аттестаттауды қоса алғанда, ТКШ саласындағы кадрлардың біліктілігін арттыру бойынша мамандандырылған курстарды өткізуге арналған. Оқыту жоғары оқу орындарының студенттері мен мектеп оқушылары үшін, сондай-ақ өз қызметкерлерін қолданбалы курстарға оқытқысы келетін компания өкілдері үшін қолжетімді болады.

«Біз студенттерге ТКШ инженерлік-техникалық секторында қолданбалы дағдыларды қолдануға көмектесетін оқу бағдарламасын әзірледік», - деді Бутин мырза. «Біздің курстар зертханалық сабақтарды, сондай-ақ 3D модельдеу және принтингті оқытуды қамтиды, бұл студенттерімізге еңбек нарығындағы бәсекелестікте артықшылықтар береді».