«ТКШ ҚазОрталығы» АҚ Қытайдан келген Цзянсу Иян тобымен кездесу өткізді, оның шеңберінде қытай компаниясы өзінің озық технологияларын, зауыты мен іске асырылған жобаларын таныстырды.

1987 жылы құрылған Цзянсу Иян тобы - жоғары технологиялық компания және Цзянсу провинциясындағы қоршаған ортаны қорғау жөніндегі жетекші кәсіпорны болып табылады. Қазақстанда, Астана қаласында қоршаған ортаны қорғауға және суды өңдеуге шоғырланған «Астана Иян су өнеркәсібі» компаниясы құрылды. Үздіксіз дамудың 30 жылында Иян тобы ғылыми-зерттеу және тәжірибелік-конструкторлық жұмыстарды, жабдықтарды жобалауды, өндіруді және сатуды, сондай-ақ мердігерлік құрылысты біріктіретін ірі заманауи кәсіпорынға айналды.

Қазіргі уақытта Иян тобы айтарлықтай күш-қуат пен техникалық күшке ие. Компанияның тіркелген капиталы 116 миллион юаньды құрайды, активтерінің жалпы құны 300 миллион юаньнан асады және  алып жатқан алаң көлемі 75 000 шаршы метрден асады. Компанияның көптеген заманауи өндірістік цехтары және ірі автоматтандырылған өндірістік жабдықтары бар.

Кездесуде озық технологиялар ұсынылды: YEM көп функциялы пластиналы микрокеуекті аэратор, әр түрлі кәріз құрылымдарын аэрациялау үшін қолданылатын және су берілуін өшірмей ауыстыруға қабілетті, оттегін пайдаланудың жоғары дәрежесі бар, кедергінің болуы аз және ұзақ қызмет  ету мерзімі бар инновациялық өнім; тегістеу және анаэробты тоғандар сияқты сарқынды суларды тазарту процестерінде қолданылатын үлкен диаметрлі YSL (төмен көміртекті тип) иілген қалақ араластырғыш.

Кездесу қорытындысы бойынша тараптар одан әрі ынтымақтастықта болу туралы келісті, бұл Қазақстандағы қоршаған ортаны қорғау және судың сапасын жақсарту бойынша жасалатын ұжымдық жұмысты күшейтуге мүмкіндік береді.