Қазақстанның тұрғын үй-коммуналдық шаруашылығын жаңғырту және дамыту орталығы China (Shenzhen) Education Enterprise Holdings Co., Ltd. делегациясымен кездесу өткізді. Аталған компания 1984 жылы құрылған «Қытай білім беру қызметтері орталығының» құқықтық мирасқоры болып табылады.
ҚХР Білім министрлігінің қолдауымен жұмыс істейтін компания кәсіби және инженерлік білім беру саласындағы халықаралық ынтымақтастықты белсенді түрде дамытып келеді. Кездесу барысында қытайлық тарап ҚР әріптестік қатынастарды нығайтуға ниетті екенін білдірді.
Тараптар кадрлық әлеуетті арттыруға, инновациялық білім беру бағдарламаларын енгізуге және екі ел арасындағы технологиялық алмасуды дамытуға бағытталған бірлескен жобаларды іске асыру мүмкіндіктерін талқылады. Сонымен қатар, жоғары технологиялық салалар үшін мамандар даярлау және инженерлік білім беруді дамыту мәселелеріне ерекше назар аударылды.
Компания өкілдері білім беру бастамаларын әзірлеуге, сондай-ақ жетекші қытайлық жоғары оқу орындары және өндірістік серіктестермен тығыз ынтымақтастықта кадр даярлауға жан-жақты қолдау көрсетуге дайын екенін жеткізді.
Кездесудің қорытындысы бойынша тұрғын үй-коммуналдық шаруашылығын жаңғырту бойынша нақты бағыттарды анықтайтын ынтымақтастық туралы хаттамаға қол қойылды және Қазақстан мен Қытай арасындағы серіктестікті нығайтудың алдағы қадамдары айқындалды.
