Кездесуге мүлік иелері бірлестіктерінің (МИБ) төрағалары, пәтер иелері кооперативтері (ПИК), басқарушы компаниялар, жергілікті атқарушы және өкілді органдардың қызметкерлері, сондай-ақ көппәтерлі тұрғын үйлердің белсенді тұрғындары қатысты.

Үй белсенділері қолданыстағы басқару субъектілерінің есептілігінің жоқтығына ерекше назар аударды. Сондай-ақ белсенділер бірқатар үйлердегі ПИК мен басқарушы компанияларда ашық қолжетімді ақпараттың жоқ екенін атап өтті. Төрағалар кондоминиум объектісін тіркеу және жер учаскесін объект құрамына қосу рәсімінің күрделілігі мәселесін көтерді.

Салалық қауымдастықтар үйлерді пайдалану барысында кондоминиум объектісінің тіркелмеуі аумақтардың санитариялық жағдайы мен техникалық үй-жайларды кондоминиум объектісінен шығару мәселелерінде даулар туғызатынын растады.

«Қазорталық ТКШ» АҚ өкілі Абдыкаримов М.Ж. жаңа нормаларды түсіндіріп, даулы жағдайларды жергілікті деңгейде шешу үшін тұрғын үй инспекторларының жаңа функциялары туралы толық ақпарат берді.

Барлық ұсыныстар мен өзекті мәселелер заңға қосымша актілерде одан әрі ескерілетін болады.