Аталған қоғамдық институттың мәртебесі мен өкілеттіктері, сондай-ақ оны қалыптастыру тәртібі Қазақстан Республикасының «Қоғамдық кеңестер туралы» Заңымен және Қоғамдық кеңес туралы Үлгілік ережемен реттелетін болады.

Жұмыс тобы құжаттарды қабылдау мерзімі аяқталған күннен кейін бес жұмыс күні ішінде кандидаттардың құжаттарын қарап, әрбір кандидатпен әңгімелесу жүргізеді және әр кандидат бойынша ашық дауыс беруді өткізеді.

Қоғамдық кеңеске қатысу үшін барлығы 23 өтінім түсті. Бекітілген орын саны – 15. Резервтік тізімге енгізу конкурсқа қатысуға құжат тапсырған, алайда ең көп дауыс жинамаған кандидаттардың ішінен Жұмыс тобының ұсынымы бойынша жүзеге асырылады.

Кандидаттарды іріктеу рәсімі аяқталғаннан кейін Қоғамдық кеңестің құрамы Қоғамның ресми сайтында жарияланатын болады.