Басқосу барысында «ТКШ ҚазОрталығы» АҚ есептеу құралдарын орнатуды қаржыландыру механизмдері - қаржы лизингі және мақсатты несиелендіру бойынша толық ақпарат беріп, түсіндіру жұмыстарын жүргізді. Бұдан бөлек, үйге ортақ есептеу құралдарын орнатудың артықшылықтары туралы сөз қозғалып, халық үшін үйге ортақ жылу энергиясын есептеу құралдарының экономикалық тиімділігіне мысалдар келтірілді. Сондай-ақ, тұрғын үй-коммуналдық дамудың 2020 – 2025 жылдарға арналған «Нұрлы жер» мемлекеттік бағдарламасының аясында өңір бойынша үйге ортақ жылуды және суды есептеу құралдарымен жабдықтау деңгейінің жоспарлы көрсеткіштеріне қол жеткізуге бағытталған алдағы іс-шаралар талқыланды.
