2025 жылғы 31 наурызда «Қазақстандық тұрғын үй-коммуналдық шаруашылығын жаңғырту және дамыту орталығы» акционерлік қоғамында Антикоррупциялық комплаенс қызметінің ұйымдастыруымен «Комплаенс және комплаенс қызметі дегеніміз не?» тақырыбында оқыту семинары өтті. Семинардың мақсаты – жаңа қызметкерлерді комплаенс қызметінің негізгі аспектілерімен, сондай-ақ корпоративтік мәдениетте және антикоррупциялық қызметте комплаенс ұғымымен таныстыру.

Семинар барысында қатысушылар комплаенс қызметінің негізгі міндеттерімен, ҚР сыбайлас жемқорлыққа қарсы заңнамалық базамен, сондай-ақ сыбайлас жемқорлыққа қарсы қызметті реттейтін заңның негізгі баптарымен танысты. Атап айтқанда, Қазақстан Республикасындағы сыбайлас жемқорлыққа қарсы іс-қимыл туралы заң мен 2020 жылғы 6 қазанда күшіне енген өзгерістер егжей-тегжейлі қаралды.

Сонымен қатар, комплаенс ұғымының практикалық аспектілеріне ерекше назар аударылды, ол өз кезегінде барлық ішкі және сыртқы талаптар, стандарттар мен нормаларға сәйкес компанияның барлық процестерінің ашықтығын және заңдылығын қамтамасыз етуді білдіреді. Семинарға қатысушыларға «Сыбайлас жемқорлық тек өз еліңді ғана емес, жақындарыңның да өмірін бұзады» атты бейнемазмұн көрсетілді, бұл бейнемазмұн сыбайлас жемқорлық әрекеттерінің қоғам мен бизнес ортасына қалай әсер ететінін айқын көрсетеді.

Семинарда сөз алған сыбайлас жемқорлаққа қарсы комплаенс қызметінің басшысы Шабарова Асель, комплаенс процедураларын тек жеке компаниялар ғана емес, сонымен қатар мемлекеттік секторда да енгізудің маңыздылығын атап өтті. Ол Қазақстандағы комплаенс институтының дамуы сыбайлас жемқорлықпен күресте және мемлекеттік және жеке ұйымдардың қызметінің ашықтығын арттыруда маңызды қадам екенін айтты.

Сондай-ақ, 2024 жылғы Transparency International рейтингісінің қорытындысы бойынша Қазақстан 180 елдің ішінде 88-орынға ие болғанын еске саламыз. Бұл 2023 жылғы 101-орынмен салыстырғанда елеулі жетістік болып табылады. Бұл деректер комплаенс жүйелерін енгізу және сыбайлас жемқорлықпен күресуді күшейту жұмыстарының маңыздылығын растайды.

Семинардың соңында сыбайлас жемқорлық тәуекелдерін алдын алу бойынша негізгі құралдар, соның ішінде іскерлік этика мен комплаенс процедуралары талқыланды. Бұл шаралар қаржылық алаяқтықтар мен заңбұзушылықтардың алдын алу үшін негізгі превентивті құралдар болып табылады.